news viewsone


کوئٹہ‘ماہر امراض ذیابیطس ڈاکٹر ارشاد کھوسہ اغواء،نصیر آباد میں 2کلوبم ناکارہ بنادیا گیا

کوئٹہ (مانیٹرنگ ڈیسک)کوئٹہ کے علاقے جناح ٹاون سے ماہر امراض ذیابیطس ڈاکٹر ارشاد کھوسہ کو نامعلوم افراد نے اغوا کرلیا،دوسری طرف نصیر آباد کے علاقے میر حسن میں سڑک کنارے نصب ریموٹ کنٹرول بم کو ناکارہ بنادیا گیا۔ایس پی انوسٹی گیشن صدر محمود احمد نوتیزئی نے ڈاکٹر ارشاد کھوسہ کے اغوا کی تصدیق کرتے ہوئے بتایا کہ ڈاکٹر ارشاد کھوسہ اپنے کلینک سے جناح ٹاؤن میں واقع اپنے گھر جارہے تھے کہ سمنگلی روڈ پر نامعلوم افراد نے انہیں اغوا کرلیا۔ان کی گاڑی جناح ٹاؤن کے علاقے میں پائی گئی جس میں ان کا موبائل فون بھی موجود تھا۔ ایس پی انوسٹی گیشن صدر نے مزید بتایا کہ شواہد سے معلوم ہوتا ہے کہ انہیں اغوا کیا گیا ہے۔واقعے کے بعد پولیس اور سیکیورٹی فورسز نے علاقے کو گھیرے میں لے کر سرچ آپریشن کیا،شہر کے داخلی و خارجی راستوں کی سخت چیکنگ کی جارہی ہے۔ڈاکٹر ارشاد کھوسہ بولان میڈیکل کمپلیکس میں ماہرامراض ذیابیطس ہیں ۔ادھر نصیر آباد کے علاقے میر حسن میں سڑک کنارے نصب ریموٹ کنٹرول بم برآمدہوا ہے جسے بم ڈسپوزل اسکواڈ نے ناکارہ بنادیا ہے۔بم ڈسپوزل اسکواڈ کے مطابق بم 2کلو وزنی تھا۔


کراچی‘رضویہ میں پولیس مقابلہ،گینگ وار کا کمانڈر زخمی حالت میں گرفتار،ساتھی فرار
سابق پولیس انسپکٹر جہانداد خان کی پراسرار گمشدگی معمہ بن گئی

کراچی(مانیٹرنگ ڈیسک)کراچی میں رضویہ کے علاقے میں پولیس مقابلہ کے دوران گینگ وار کے شاہد بکک گروپ کے کمانڈر حارث عرف فوجی کو زخمی حالت میں پکڑلیا گیا ۔ لیاری سے گینگ وار کے اہم کمانڈر فہیم کمانڈو کو گرفتار کرکے اسلحہ برآمد کرلیا گیا ۔ رضویہ پولیس نے رات گئے مقابلے کے بعد گینگ وار ملزم حارث عرف فوجی کو زخمی حالت میں گرفتار کر کے اسلحہ برآمد کر لیا ۔ اس کا ساتھی عدنان فرار ہو گیا ۔ پولیس کا کہنا ہے کہ ملزم لیاری گینگ وار شاہد بکک گروپ کا کمانڈر ہے اور وہ رضویہ مارکیٹ کے دکانداروں سے بھتہ وصول کر رہا تھا ۔ شاہد بکک رشید گوڈیل پر ہونے والے قاتلانہ حملے کا مرکزی ملزم بھی ہے ۔ کراچی کے علاقے لیاری کلاکوٹ میں قانون نافذ کرنے والے اداروں نے گینگ وار کے اہم کمانڈر فہیم کمانڈو کو گرفتار کرکے اسلحہ برآمد کرلیا ۔ دوسری جانب سابق پولیس انسپکٹر جہانداد خان کی پراسرار گمشدگی معمہ بن گئی ۔

ہائیکورٹ نے توہین عدالت کی درخواست پر ڈی جی نرسنگ سے 15روز میں جواب طلب کرلیا 

لاہور (مانیٹرنگ ڈیسک) لاہور ہائیکورٹ نے توہین عدالت کی درخواست پر ڈی جی نرسنگ سے 15روز میں جواب طلب کرلیا ۔ لاہور ہائیکورٹ کے جسٹس شاہد وحید نے کیس کی سماعت شروع کی تو درخواست گزار طالبہ سدرہ بی بی کی جانب سے موقف اختیار کیا گیا کہ نرسنگ کا ڈپلومہ مکمل ہونے کے بعد بھی ڈپلومہ جاری نہیں کیا جا رہا ۔ اس حوالے سے عدالت نے ڈی جی نرسنگ کو حکم دیا لیکن تعمیل نہیں کی گئی ۔ درخواست گزار نے استدعا کی کہ ڈی جی نرسنگ کے خلاف توہین عدالت کی کارروائی کی جائے ۔ عدالت نے توہین عدالت کی درخواست پر ڈی جی نرسنگ سے 15روز میں جواب طلب کرتے ہوئے سماعت ملتوی کر دی۔

گوجرانوالہ ‘حساس اداروں کاآپریشن،30مشتبہ افرادگرفتار

گوجرانوالہ(مانیٹرنگ ڈیسک)گوجرانوالہ میں پولیس اور حساس اداروں نے سرچ آپریشن کرکے 30مشتبہ افراد کو گرفتار کرلیا۔ایس پی ندیم کھوکھر کے مطابق کھیالی اور شیخوپورہ روڈ پر پولیس اور حساس اداروں نے مشترکہ سرچ آپریشن کیا، آپریشن کے دوران 30مشتبہ افراد کو گرفتار کیا گیا جنہیں تفتیش کے لیے نامعلوم مقام پر منتقل کردیا گیا ہے۔

Comments

Post a Comment

More than 80 million Pakistani drug addicts

جمہوریت کیا ہے؟

پپو ۔۔جمہوریت کیا ہے؟ ٹیچر ۔۔جمہوریت اس بلا کا نام ہے جس میں ہر غیر قانونی کام قانون کے دائرے میں رہ کر کیاجاسکتا ہے۔ پپو۔۔۔کیا جمہوریت میں لوگوں کو روزگار ملتا ہے؟ ٹیچر۔۔جی ہاں ۔ کیوں نہیں روزگار ملتا ہے اور کمیشن بھی ملتا ہے۔ مگر اس کے لیے شرط صرف اتنی ہوتی ہے کہ آپ قابل بالکل بھی نہ ہوں اور سفارش کسی وزیر ، مشیر، ایم این اے ، ایم پی اے کی ہونی چاہے۔ یا پھر سیدھا وزیراعظم سے کہلواکر کسی بھی قومی ادارے کا سربراہ بن جائیں۔  پپو۔۔پاکستان اسلام کے نام پر بنا۔ تو پھر آئین اسلامی کیوں نہیں؟ ٹیچر ۔۔پاکستان اسلام کے نام پر ضرور بنا ۔ مگر وہ صرف دکھاوے کے لیے تھا۔ اصل میں پاکستان امریکی کالونی کے لیے بنایا گیا ہے۔ پپو۔ ۔ کیا میں پاکستان کا وزیراعظم بن سکتا ہوں؟ ٹیچر۔۔ ہاں کیوں نہیں۔ مگر اس کے لیے تمہیں ابھی سے اسکول چھوڑ کر کسی پارٹی کو جوائن کرنا ہوگا۔  پپو۔۔ کیا وزیراعظم بننے کے لیے تعلیم کی ضرورت نہیں ہوتی؟ ٹیچر۔۔ نہیں ۔وزیراعظم بننے کے لیے تمہیں اچھا جھوٹ بولنا آتا ہو۔ اور اس کے ساتھ ساتھ تعلیمی ڈگری وزیراعظم بننے کے بعد بہت سی یونیورسٹیاں تمہیں خود آکر دے دی...
Read more

چیف جسٹس آف پاکستان کے نام۔

عارف میمن ۔ چیف جسٹس آف پاکستان فرماتے ہیں کہ کرپشن اور نااہلی کی بیماری ہمارے ملک کو دیمک کی طرح چاٹ رہی ہے ٗ ہمیں ملک سے کرپشن اورنااہلی کی بیماری ختم کرنیکی ضرورت ہے‘ عدالتوں میں 60 فیصد مقدمات سرکاری اداروں کی نااہلی ٗ بے حسی اور بد انتظامی کا نتیجہ ہیں ٗاس کے بعد وہ کہتے ہیں کہ گڈ گورنس کا ماحول پیدا کرنے کی بھی ضرورت ہے۔ ہمیں ایک دوسرے پر الزامات لگانے کے بجائے اپنا محاسبہ کرنا ہوگا۔ اس کے بعد وہ کہتے ہیں کہ ججز یہ غلط فہمی اپنے دل سے نکال دیں کہ وہ حاکم ہیں۔ججز عوام کے خادم ہیں جو عوام کے ٹیکسوں سے تنخواہیں اور مراعات لیتے ہیں۔ درست فرمایا جناب آپ نے۔ ججز حاکم نہیں خادم ہیں۔ مگر وہ کونسا جج ہے جو خادم ہے؟ ذرا ہمیں بھی تو پتا چلے کہ پولیس کی اور سیاست دانوں کی طرح اب جج بھی ہمارے خادم ہوگئے ہیں۔ افسوس کی بات ہے کہ اس ملک میں ہر اعلیٰ عہدے پر بیٹھا شخص جب کسی تقریب میں مدعو کیاجاتا ہے تو وہاں وہ بہت سنہرے قول فرماتا ہے مگر جب عملی اقدامات کی بات آتی ہے تو سب سے پہلے یہ وہ ہی پیچھے ہوتے ہیں۔ کیوں کہ انہیں اپنی کرسی اور عہدے سے اس قدر لگاؤ ہوتا ہے کہ ملک ڈوبتا ہے توڈوب جائے م...
Read more

الطاف حسین اور عمران خان کزن ہیں؟

عارف میمن  لگتا ہے الطاف حسین اور عمران خان دونوں کزن ہیں۔ الطاف نے اپنی سندھ کی مضبوط ترین پارٹی کو متنازع بناکراسے کئی حصوں میں تقسیم کردیا اور عمران خان اپنی اچھی خاصی مقبولیت کو نازیبا بیانات دے کر مسلسل گرانے پر تلے ہوئے ہیں۔ جس طرح الطاف حسین کے بیان پر رات بھر رابطہ کمیٹی صفائیاں دیتی رہتی تھی۔ آج کل یہ ہی صورت حال عمران کی پارٹی کے لوگوں کے ساتھ ہورہی ہے۔ وہ بچارے بھی رات رات بھر مختلف چینلز پر عمران خان کے بیان پر وضاحتیں دے رہے ہوتے ہیں۔ کل تک عمران خان ایک لیڈر کے طورپر جاناجاتا تھا مگر اب ایسے معلوم ہوتا ہے کہ جیسے وہ صرف مخصوص گروہ کے گرد ہی اپنی سیاست کررہے ہیں ۔ان کی اسی پالیسیوں کی وجہ سے عمران خان کی جماعت پی ٹی آئی نے حالیہ بلدیاتی الیکشن میں ن لیگ سے زبردست قسم کی شکست کھائی۔ اور اب جب ک 2018ءمیں قومی الیکشن ہونے جارہے ہیں ایسے میں انہی الیکشن کی بھرپور تیاری کرنی چاہیے نہ وہ اس طرح کے متنازع بیانات دے کر اپنی ساکھ کو نقصان پہنچائیں۔ ان کا یہ بیان تمام پاکستانیوں کے لیے سخت مایوس کن ثابت ہوا جب انہوںنے یہ کہاکہ پی ایس ایل فائنل میں تمام پھٹیچر غیرملکی کھلاڑی ش...
Read more